اوہائیو کی کرونا ویکسین لاٹری، 10 لاکھ ڈالر ایک خاتون کے نام


Love test - Love calculator - Love quiz

Posted on Sunday 30th of May 2021 at 12:02pm
اوہائیو کی کرونا ویکسین لاٹری، 10 لاکھ ڈالر ایک خاتون کے نام

امریکی ریاست اوہائیو کے جنوب مغربی علاقے کی ایک خاتون نے کرونا ویکسین لگوانے پر دس لاکھ ڈالر کا انعام جیت لیا ہے۔ جب کہ اسی پروگرام کے تحت ایک طالب علم کو اسکالرشپ مل گیا ہے جس سے اس کے کالج کی تعلیم کے تمام اخراجات پورے ہو سکیں گے۔

اوہائیو میں لوگوں کو عالمی وبا سے بچاؤ کی ویکسین لگوانے کی جانب راغب کرنے کے لیے حکومت نے ایک انعامی مہم شروع کی ہے۔ جس میں ویکسین لگوانے والے اپنا اندراج کرا سکتے ہیں۔

اس مہم کے دوران ہر ہفتے قرعہ اندازی کے ذریعے دس لاکھ ڈالر کی لاٹری اور کالج کی تعلیم کے تمام اخراجات کے مساوی اسکالرشپ جیتنے والوں کے ناموں کا اعلان کیا جاتا ہے۔

ویکسین لگوانے کے انعامی پروگرام 'ویکس اے ملین' کی پہلی قرعہ اندازی پیر کو کی گئی تھی جب کہ جیتنے والوں کے ناموں کا باضابطہ اعلان ان کے کوائف کی تصدیق کے بعد بدھ کی رات ایک خصوصی ٹی وی شو میں کیا گیا۔

دس لاکھ ڈالر کا انعام سنسناٹی کے قریبی قصبے سلورٹن کے ابھیگیل بوگنسکی نے حاصل کیا، جب کہ کالج کی مکمل تعلیم کا اسکالرشپ ڈیٹن میں رہنے والے جوزف کاسٹیلو کے نام رہا۔

Ohio Corona Vaccine Lottery, لاکھ 1 Million to a Woman

ریاست اوہائیو کے گورنر مائیک ڈی وائن کا اس موقع پر کہنا تھا کہ ہم بہت خوش ہیں کہ اس لاٹری پروگرام نے اوہائیو کے بہت سے باشندوں کو ویکسین لگوانے کی طرف متوجہ کیا ہے۔ اور ہم اس پروگرام کے تحت پہلی قرعہ اندازی میں جیتنے والوں کا اعلان کرتے ہوئے مسرت محسوس کر رہے ہیں۔

ویکسین لگوانے کے لاٹری پروگرام میں 10 لاکھ ڈالر کے انعام کے لیے 27 لاکھ سے زیادہ بالغوں اور تعلیمی اسکالرشپ کے لیے 12 سے 17 سال کی عمر کے ایک لاکھ چار ہزار سے زیادہ بچوں نے اپنے ناموں کا اندراج کرایا ہے۔ اسکالرشپ میں کالج کی ٹیوشن فیس، رہائش، خوراک اور کتابوں کے اخراجات شامل ہیں۔

اس پروگرام کے تحت اگلے چار ہفتوں کے دوران قرعہ اندازی کے ذریعے دس لاکھ ڈالر اور اسکالرشپ کے مزید چار چار انعامات دیے جائیں گے۔

Ohio Corona Vaccine Lottery, لاکھ 1 Million to a Woman

ری پبلیکن پارٹی سے تعلق رکھنے والے گورنر ڈی وائن نے ریاست میں ویکسین لگوانے کی کم تر شرح کے پیش نظر 12 مئی کو اس لاٹری پروگرام کا اعلان کیا تھا۔

اوہائیو لاٹری کی پہلی قرعہ اندازی پیر کے روز کی گئی تھی جس کے بعد جیتنے والوں کے کوائف اور اہلیت کی جانچ پڑتال کے بعد بدھ کو ان کے ناموں کا اعلان کیا گیا۔

لاٹری میں حصہ لینے والوں کے لیے ضروری ہے کہ وہ ویکس اے ملین کی ویب سائٹ یا ٹیلی فون پر اپنے نام کا اندراج کروائیں۔ لاٹری کا ایک منفرد پہلو یہ بھی ہے کہ انعام نہ جیتنے والوں کا نام اگلی قرعہ اندازی میں خود بخود شامل ہو جائے گا۔ اس طرح ان کے پاس انعام جیتنے کے چار مواقع موجود ہوں گے۔

Ohio Corona Vaccine Lottery, لاکھ 1 Million to a Woman

انعامی مہم کے نتائج کافی حوصلہ افزا ثابت ہوئے ہیں۔ لاٹری کے اعلان کے بعد ایک ہفتے کے اندر اوہائیو میں 16 سال سے زیادہ عمر کے افراد میں ویکسین لگوانے کی شرح میں 33 فی صد اضافہ ہوا۔

پیر کے اعداد و شمار کے مطابق اوہائیو میں تقریباً 45 فی صد کو ویکسین کی پہلی خوراک لگ چکی ہے جب کہ دوسری خوراک حاصل کرنے والوں کی تعداد 39 فی صد ہے۔

امریکہ بھر میں لگ بھگ 50 فی صد لوگ ویکسین کی پہلی ڈوز حاصل کر چکے ہیں جب کہ 13 کروڑ سے زیادہ افراد کو ویکسین کی دونوں خوراکیں دی جا چکی ہیں جو کل آبادی کا 40 فی صد ہے۔

اوہائیو کی اس کامیابی سے متاثر ہو کر کولوراڈو، میری لینڈ، نیویارک اور آریگن کی ریاستوں نے بھی اسی طرح کے ترغیب دینے والے پروگرام شروع کرنے کا اعلان کیا ہے۔

Source webpage

مزیددلچسپ معلومات



Write a comment