Corona:

World : Cases 160,316,996 , Deaths 3,330,828 , Recovered 138,050,854. Pakistan : Cases 867,438 , Deaths 19,210 , Recovered 771,692 , Sindh 294,251 , ICT 78,560 , Punjab 322,117 , Balochistan 23,655 , KPK 125,392 , AJK/GB 23,463.

پنجاب: مساجد میں اعتکاف پر پابندی عائد کردی گئی


Status Saver for WhatsApp

Posted on Saturday 1st of May 2021 at 12:26am
پنجاب: مساجد میں اعتکاف پر پابندی عائد کردی گئی

کرونا وائرس کی تیسری لہر کے دوران سنگين صورتحال کے پیش نظر محکمہ اوقاف نے پنجاب بھر کی مساجد ميں اعتکاف پر پابندی لگادی۔

رمضان المبارک کے آخری عشرے میں دنیا بھر کے مسلمان مساجد میں اعتکاف کیلئے جمع ہوتے ہیں، اس دوران خصوصی عبادات اور دعاؤں کا سلسلہ جاری رہتا ہے۔

پاکستان میں کرونا وائرس کی تیسری لہر کے دوران تواتر سے کیسز اور اموات میں اضافے کے  پیش نظر محکمہ اوقاف پنجاب نے صوبہ بھر کی مساجد میں اعتکاف پر پابندی لگادی ہے۔

محکمہ اوقاف کے نوٹیفکیشن میں بتایا گیا ہے کہ پنجاب بھر کی مساجد میں اعتکاف پر پابندی ہوگی، یہ فیصلہ کرونا کی سنگین صورتحال کے پیش نظر کیا گیا ہے۔

واضح رہے کہ نیشنل کمانڈ اینڈ آپریشن سینٹر (این سی او سی) نے 21 رمضان المبارک کو حضرت علی رضی اللہ تعالیٰ عنہ کے یوم شہادت کے موقع پر ہر قسم کے جلوس پر پابندی عائد کردی ہے، اس موقع پر صرف امام بارگاہوں میں مجالس کی اجازت ہوگی تاہم اس میں بھی محدود تعداد میں لوگ شریک ہوسکیں گے۔

پاکستان میں گزشتہ 24 گھنٹوں کے دوران 4 ہزار نئے کیسز رپورٹ ہوئے ہیں جبکہ مزید 146 مریض انتقال کر گئے۔

پنجاب میں گزشتہ 24 گھنٹوں میں کرونا وائرس سے متاثرہ 90 مریض زندگی کی بازی ہار چکے ہیں جبکہ 2 ہزار 68 نئے کیسز بھی رپورٹ ہوئے ہیں، صوبہ بھر میں اب تک مجموعی طور پر 8 ہزار 500 مریض انتقال کر چکے ہیں، فعال کیسز کی تعداد 47 ہزار 632 ہے۔

News source webpage

متعلقہ خبریں